Sidan neste helg er fullbooka for hund, hund og atter hund, så må vi nesten trene litt også. Og sidan vi har huset for oss sjølv nokre dagar, så benytta eg sjansen til og ta med meg begge to ut for litt uforstyrra trening i fred og ro. Mens den eine var innestengt på tunet, så var eg på parkeringsplassen med den andre. Og så bytta eg litt innimellom.
Først ut var Catania. Ho skal på kvalpeshow i Fredrikstad neste laurdag, og sidan ho no går i ein eldre klasse (6-9 mnd.), så var det kanskje på tide og få vimsehøna til å gå litt skikkeleg. Enklare sagt enn gjort… Hopp og sprett, gå forran beina mine så eg nærmast går på tryne, og eg veit ikkje heilt kva ho ikkje gjer. Og det var kun når eg gjekk, og ho skal trave, noko som betyr at eg må jogge rundt i ringen, mon tru korleis det skal gå?
Vart til slutt så lei at eg heller gjekk over på stå treninga. Der vil eg påstå ho er veldig flink! Står fint (etter det eg kan sjå), men hender eg må korrigere bakbeina litt. Det positive er i vert fall at ho ikkje hoppar og spretter her. Spørsmålet er om ho står roleg når ein dommar skal sjå på tennene hennar. Nokon som melder seg frivillig til å leike dommar før neste helg!?
Så var det bytting, og Pia sin tur for litt trening. Tenkte ho skulle få prøve seg på LP-rekrutt på treffet i Oslo neste helg, og sidan vi ikkje har trent så mykje lydighet i det siste, så var det på tide med litt opprusting. Og Pia var ikkje treig med å følge med. Ho syns det er supermorro!
Lineføring – Går kjempefint på venstre side, og held fin kontakt.
Innkalling frå sitt – Litt forstyrra av Catania innimellom, men når ho fokuserte på meg var ho kjempeflink!
Dekk frå holdt – Ønsker helst å vere i utgangsstilling, er treig og legger seg skeivt. Setter seg raskt opp utan kommando.
Enkeltdekk 1 min. – Glømte å trene på den i dag, men utan forstyrrelsar, så trur eg ho skal klare den med litt trening der.
Igjen var det bytting. Skifta også ut utstillingslina med vanleg halsbånd og kobbel så eg ikkje skulle ta fullstendig knekken på Catania med snake-lenka. Fant også ut at eg måtte gå sakte fram, og heller fokusere på kontakt/lineføring.
Kobbel bak ryggen og i høgre arm. Catania på venstre side. Venstre hånd full av godis. 3-2-1, marsj og gå!
Har for vane å både snakke og lage rare lydar til den hunden eg trenar, spesielt når eg er aleine, så Catania tok raskt kontakt. 2 skritt, kontakt og godis. Og sånn fortsatte det. Ho holdt då kontakte gjennom fleire og fleire skritt. Og vi gjekk i normalt tempo rundt parkeringsplassen. Hjørneteknikken eg fikk med meg på utstillingstreninga heime i vinterferien gjorde treninga til ein større suksess. I staden for at vi kræsja i kvarandre i kvar sving, så vart den mjukna opp med ein sirkel utan kræsj. Enkelt. Greit. Suksess. Og det er suksess vi er ute etter!
«Lille» kattedyret lærer raskt, så etterkvart begynte eg med å gi kommando sitt når eg stoppa. Gjekk veldig bra, ho satte seg allerede første gang når ho fikk kommandoen, og det utan(!) håndsignal. Litt sakte og småusikker, men ho satte seg. Og fikk så klart påfyll med snop når ho også vart sittande. Og masse, masse ros!
Deretter var det bytting av hund igjen. Fortsatte og trene på LP-rekrutt øvelsane, og finpussa litt på utgangsstillinga sidan ho til tider har det med og sette seg litt skeivt.
Naboen som bur rett over gata for her kom kjørande, parkerte og gjekk ut av bilen sin. Så då fikk Pia ein liten forstyrrelse. Ho ville kjefte, men fokuserte greit på meg og godbiten i staden for, og det til tross for at ho begynte å stresse litt. Det er flinke bråkebøtta si det!
Slang inn litt utstillingstrening med ho også, er jo kun ein månad til vi skal på både rasespesialen og NKK Drammen, og alt på ei og samme helg (kva i all verden har eg meldt oss på?!), og frøkna er jo reine naturtalentet. Går fint. Står fint. Einaste er vel halen hennar eg kan prøve og pirke litt på framover, og eg sjølv må lære meg å gå med ein børste i hånda til dei utstillingane. Når eg allerede kjenner stresser, så vil eg ikkje tenkje på korleis det blir når helga endeleg er her! Så øving med børste må til. Og luggen nede.